Nanatontosa atrik’asam-panadiovana ny gare routière « Fasan’ny karana » , ny Kaominina Antananarivo renivohitra.Vatan-dehilahy miisa 50 no niara-nisalahy tamin’ny fanadiovana ny teo amin’ny zotra nasionaly. Ny mpanera no betsaka tamin’ireo mpanadio , tao ihany koa ny fandraisan-tanan’ny saofera-na taxi-ville, saoferan’ny taxi-brousse.
Rehefa vita ny fanadiovana dia norarahana HYPOCHLORITE DE CALCIUM 250 litatra ny fiara rehetra tsy ankanavaka miantsona eo , na taxi-brousse izany , na taxi-ville, na an’olon-tsotra izay nangataka ,  ny tranon’ny kaoperativa , ny trano fivarotana , ny bacs à ordures, ary ny toeram-piantsonana. Io 250 litatra amin’ny ranom-panafody io , raha mitapo-drano dia mahatratra 7,5 kg. Izao no natao dia hisorohana sy hamonoana ny otrik’aretina hiadiana amin’ny grippe AH1N1. Nentanina avokoa ireo mpitatitra teny an-toerana hampahafantatra ny mpandeha rehetra fa tokony hotandrovina foana ny fahadiovana. Hihitatra any amin’ny zotra rezionaly ity hetsika ity , ka hatrany anaty ny tsena rehetra any.

 2°) – Araka ny feo nandeha fa tsy manam-panafody intsony ny CSB II , dia mampahafantatra ny besinimaro koa ny Kaominina Antananarivo renivohitra , fa tonga  avokoa ireo fanafody fampiasa isan’andro any amin’ireo CSB II  miisa efatra iadidian’ny kaominina: Namontana , Isotry , Andravoahangy , Volosarika. Marihana fa 1000 ar no alohan’ny lehibe, ary 700 ar ny ankizy hatramin’ny 13 taona. Mahazo fizahana , sy fitsaboana ,ary fanafody avokoa rehefa mandoa io sarany izay heverina fa tena mora sy antonona ny fahefa-mividin’ny tsirairay io.