Ny Galana dia anisan’ny orinasa tafiditra ao anatin’ny « Entreprise citoyenne » miara-miasa amin’ny CUA ho amin’ny fampandrosoana ny tanànan’Antananarivo.Fanaovan-tsoniam-piaraha-miasa no notontosaina niaraka tamin’i PDSn’Antananarivo , Edgard RAZAFINDRAVAHY  sy ny Tale Jeneralin’ny orinasa GALANA , Philippe Guldemont, ka lelavola 14 tapitrisa ariary  no nosoniavina tamin’izany  ho fanatontosana ny tetikasa rehetra eny amin’ireo fokontany 21 izay misy ny tobin-dasantsy Galana .Ny 5 tapitrisa mahery dia natokana hikarakara ny fetin’ny faran’ny taona amin’ireo fokontany ireo ary ny 200 000ar  kosa  hotsinjaraina  ho azy ireo .
« Tanjona sy tarigetra ny hananana tanàna madio , mirindra ary milamina , noho izany dia atomboka eny anivon’ny fokontany tsirairay avy ny fanadiovana , fanamboarana paompy , fandrindrana ny sisin-dalana rehetra mba hitandroana ny teny filamatra hoe : ny sisin-dalana ho an’ny mpandeha an-tongotra , ny arabe ho an’ny fiara , ary ny tsena ho an’ny mpivarotra » , hoy Andriamatoa PDS .
Isan’ny lamin’asa manokana ankehitriny ny fijerena ny hamindrana ireo mpivarotra manemitra ny Behoririka sy Analakely mba hanamorana ny fifamoivoizana. Efa mandeha ny fifampiraharahana amin’ireo mpivarotra izay antenaina fa ahitam-bokany tsy ho ela.