Nankalazaina teny amin’ny kianja malacam Antanimena ny andro iraisam-pirenena ho an’ny vehivavy. Notsongaina tamin’izany ny lohahevitra manao hoe “ FEMME DECIDEUR INCONTOURNABLE POUR LE CHANGEMENT DE L’HISTOIRE DE MADAGASCAR ». Vehivavy maro manan-kaja no tonga nanotrona ity androm-pankalazana teny Antanimena ity izay notarihin’ny vadin’ny filohan’ny fahefana avon’ny tetezamita sy ireo ministra vehivavy mpikambana ao amin’ny governemanta tetezamita. Tsy diso anjara tamin’izany ihany koa  anefa ny vehivavy teo anivon’ny Kaominina Antananarivo Renivohitra fa tonga nandray anjara mavitrika izay notarihin’ny vadin’ny filohan’ny delegasiona manokan’ny tananan’Antananarivo  dia Ramatoa RINDRA RAFINDRAVAHY sy ireo vehivavy tompon’andraikitra eto amin’ny fiadidina ny tananan’Antananarivo toy ny sekretera jeneraly ny kaominina Ramatoa OLGA RASAMIMANANA sy Ramatoa MONIQUE RAVAOSOLO  izay mpanolo-tsaina  ara- teknika  eto amin’ny tananan’Antananarivo Renivohitra ary ireo vehivavy mpiasan’ny CUA  marobe izay tonga niara-paly  toy ireo  vehivavy maro maneran-tany.